عارفة عبد الرسول تتعاطف مع أبناء المشاهير: بيصعبوا عليا

أعلنت الفنانة عارفة عبد الرسول تعاطفها مع أبناء وأحفاد المشاهير من نجوم الفن، الذين يبحثون عن فرصة لإبراز مواهبهم، وتحدثت عن تجربتها الشخصية مع حفيد الفنان الراحل فؤاد المهندس، مؤكدة أنه يعاني من “رزالات مالوش فيها ذنب” رغم موهبته الواضحة في مجال الإخراج.

وقالت عارفة عبد الرسول عبر حسابها الرسمي على موقع فيس بوك: أنا متعاطفة جداً مع أبناء المشاهير، الناس بيقولوا خد فرصة عشان ابن فلان، ومهما اتشقلب وعمل اللالي لازم يقارنوه بالاسم الأصلي، ويفضل طول عمره متحمل رزالات مالوش فيها ذنب.

وأضافت عبد الرسول: بشتغل اليومين دول مع مخرج منهم، شايف كويس تفاصيله مالهاش حل، محترم مع الصغير قبل الكبير، ورغم خبرتى اللى على قدي، أقدر أقول إنه هايبقى مخرج كبير من اللى يتعدوا على الصوابع دول.

وتابعت عارفة عبد الرسول: ألاقي واحد جاي يعمل مشهد يقوله عشان أنت حفيد الأستاذ، جايبنى أعمل كلمتين وبس، واحد من المجاميع المفروض بيعلق يافطه في المشهد وإحنا بنقوله يمين شوية شمال شوية… قوم هو بيحرك اللوحة وبيترقص بطريقة غريبة.

وواصلت عارفة عبد الرسول قائلة: المخرج يقوله بلاش كده حرك إيدك بس يقوله، إحنا تلامذة الأستاذ واتعلمنا منه… طب يا سيدى كتر خيرك، ممكن تحرك إيدك بس، وهكذا. والله بيصعب عليا، وهو بيقابل ده بابتسامة لطيفة قلبي عندك يا ابني…. المخرج…عمر المهندس.

لمشاهدة أجمل صور المشاهير زوروا «إنستغرام سيدتي»

وللاطلاع على فيديوجراف المشاهير زوروا «تيك توك سيدتي»

ويمكنكم متابعة آخر أخبار النجوم عبر «تويتر» «سيدتي فن»